Elimizdiń basym óńirinde qar aralas jańbyr jaýady
NUR-SULTAN. QazAqparat – 14 naýryz kúni frontaldy bólikterdiń ótýimen baılanysty Qazaqstan aýmaǵynyń basym bóliginde jaýyn-shashyn (qar aralas jańbyr) kútiledi. Elimizdiń tek ońtústik, ońtústik-shyǵys jáne ortalyǵynda jaýyn-shashynsyz aýa raıy saqtalady. Respýblıkanyń keı jerlerinde tuman, kóktaıǵaq, jeldiń kúsheıýi boljanady, dep habarlaıdy QazAqparat.
«Qazgıdromet» RMK boljamynsha, Soltústik Qazaqstan oblysynda jeldiń ekpini 23-28 m/s kúsheıedi, keı jerlerde tuman, kóktaıǵaq kútiledi.
Pavlodar oblysynyń keı jerlerinde tuman, kóktaıǵaq bolady, jeldiń kúsheıýi túnde keı jerlerde 18 m/s, kúndiz 23-28 m/s jetedi.
Aqmola oblysynda túnde keı jerlerde jel 15-20 m/s, kúndiz basym bóliginde 23-28 m/s artady.
Qaraǵandy, Shyǵys Qazaqstan oblystarynyń keı jerlerinde tuman kútiledi, jel 15-20 m/s kúsheıedi.
Almaty oblysynyń Jalańashkól aýdanynda túnde jeldiń kúshi 17-22 m/s artady.
Batys Qazaqstan, kúndiz Jambyl oblystarynyń keı jerlerinde jel 15-20 m/s kúsheıedi.
Qostanaı oblysynyń keı jerlerinde tuman, kóktaıǵaq, jeldiń kúshi 15-20, ekpini 23 m/s jetetini boljanady.
Qyzylorda, Atyraý oblystarynyń keı jerlerin tuman basady.
Mańǵystaý oblysynyń keı jerlerinde tuman kútiledi, kúndiz jel 15-20 m/s kúsheıedi.
