Elimizdiń basym oblystarynda aýa raıy ashyq bolady
ASTANA. 8 aqpan. QazAqparat - 8 aqpanda elimizdiń basym oblystarynda qar jaýmaıdy, ashyq aýa raıy boljanýda, dep habarlaıdy «Qazgıdromet».
Sınoptıkterdiń málimeti boıynsha, tek respýblıkanyń batysynda azdap qar jaýyp, jel turady.
«Respýblıkanyń batysynda frontaldyq bólikterdiń ótýimen keı jerlerde qar jaýady, jel soǵady. Respýblıka aýmaqtarynyń qalǵan bólikterinde kún ashyq», - dep atap ótken sınoptıkter.
Mańǵystaý, Atyraý, Batys Qazaqstan, Aqtóbe, kúndiz Qostanaı oblystarynda jeldiń kúshi sekýndyna 15-20 metrge kúsheıedi dep kútilýde.
Túnde jáne tańerteń Qaraǵandy, Soltústik Qazaqstan oblystarynda tuman bolady.
Túnde Almaty, Ońtústik Qazaqstan oblystarynda keı jerlerde, Mańǵystaý oblysynda qatty aıazdar saqtalady.
