Elimizdiń basym bóliginde shilde aıynyń alǵashqy kúnderi jaýyn-shashyndy bolady
ASTANA. QazAqparat - «Qazgıdromet» RMK 30 maýsym men 2 shilde aralyǵyna arnalǵan aýa raıy boljamyn usynady.
«Jaz mezgiliniń eń ystyq aıy da kelip jetti. Alaıda ol Qazaqstannyń barlyq derlik aýmaǵy boıynsha, qońyrsalqyn, jaýyn-shashyndy aýa raıymen bastalǵaly otyr. Osyndaı aýa raıy aldymyzdaǵy úsh táýlikte, Batys Sibirdiń ońtústigi men Qazaqstannyń soltústigi ústinde ornalasqan belsendi jáne tereń tsıklonmen (ońtústik pen batys oblystardy esepke almaǵanda) baılanysty bolady. Alaıda, ońtústik pen batys oblystarda da temperatýra osy kezeńge tán kópjyldyq belgiden tómen jáne keı jerlerinde ortasha deńgeıde bolýy kútiledi», - dep jazylǵan habarlamada.
