Elimizdiń basym bóliginde qatty jel soǵady - sınoptıkter boljamy
«Qazgıdromet» RMK aqparaty boıynsha, elordada 14-16 maýsym kúnderi tótenshe órt qaýpi saqtalady.
Almatyda 14-16 maýsymda órt shyǵý qaýpi joǵary bolady.
Shymkentte 14 maýsymda tótenshe órt qaýpi saqtalady.
Túnde Abaı oblysynyń soltústigi men batysynda naızaǵaı jarqyldaıdy. Oblystyń soltústik, batys, ortalyq bóliginde túnde soltústik jáne soltústik-shyǵystan jel soǵady, kúndiz óńirdiń basym bóliginde soqqan jeldiń jyldamdyǵy sekýndyna 15-20 metrge deıin jetedi, jel ekpini 23-28 m/s deıin kúsheıedi. Oblysta órt shyǵý qaýpi joǵary.
14-16 maýsymda Aqmola oblysynyń basym bóliginde tótenshe órt qaýpi saqtalady.
Aqtóbe oblysynyń ońtústik bóliginde shyǵys, soltústik-shyǵystan jel soǵyp, ortalyq bóliginde ekpini 15-20 m/s deıin jetetini boljanyp otyr. Tótenshe órt qaýpi saqtalady.
Sondaı-aq bql kúnderi Almaty oblysynyń soltústiginde, ortalyǵynda tótenshe órt qaýpi saqtalady.
Kúndiz Atyraý oblysynyń batysy men ońtústiginde shańdy daýyl turady. Jel ekpini 15-20 m/s deıin jetedi. Kúndiz 38 gradýs qatty ystyq saqtalady. Soltústik, shyǵys, ońtústik bóliginde tótenshe órt qaýpi saqtalady.
Shyǵys Qazaqstan oblysynyń shyǵysynda naızaǵaı jarqyldaıdy. Óńirdiń soltústik, ońtústik jáne ortalyq bóliginde batys, soltústik-batystan soǵatyn jeldiń kúshi 15-20, ekpini 23-28 m/s deıin jetedi. Oblystyń basym bóliginde tótenshe órt qaýpi saqtalady.
Jetisý oblysynyń ońtústiginde, taýly aımaqtarynda naızaǵaı jarqyldaıdy. Oblystyń ortalyǵynda, soltústiginde, shyǵysynda soltústik-shyǵystan soǵatyn jeldińdiń jyldamdyǵy sekýndyna 15-20 metrge deıin, kúndiz Alakól aýdanynda ekpini 23-28 m/s deıin jetedi. Oblystyń basym bóliginde tótenshe órt qaýpi saqtalady.
Batys Qazaqstan oblysynyń batysynda naızaǵaı oınaıdy. Oblystyń batysy men ońtústiginde áýeli soltústik-shyǵystan soǵatyn jel ońtústik-shyǵysqa aýysyp, ekpini 15-20 m/s deıin jetedi. Kúndiz oblystyń kóp bóliginde 35-39 gradýs ystyq bolady. Oblystyń ońtústiginde, shyǵysynda, soltústiginde órt qaýpi joǵary bolady dep boljanyp otyr.
Kúndiz Qaraǵandy oblysynyń shyǵysynda naızaǵaı jarqyldaıdy. Oblystyń soltústiginde, shyǵysynda soltústik-shyǵystan soǵatyn jeldiń ekpini 15-20 m/s deıin jetedi. Oblystyń ońtústiginde tótenshe órt qaýpi saqtalady.
Túnde jáne tańerteń Qostanaı oblysynyń soltústiginde tuman túsedi. Oblystyń ońtústiginde soltústik-shyǵystan 15-20 m/s jyldamdyqpen jel soǵady. Ońtústik jartysynda órt shyǵý qaýpi joǵary.
Kúndiz Qyzylorda oblysynyń ortalyǵynda shańdy daýyl turady. Soltústik bóliginde túnde soltústik-shyǵystan soǵatyn jel ekpini 15-20 m/s, kúndiz oblystyń kóp bóliginde 15-20 m/s deıin jetedi . Kúndiz aýanyń temperatýrasy 40 gradýsqa deıin joǵarylaıdy. Óńirde tótenshe órt qaýpi saqtalady.
Mańǵystaý oblysynyń ońtústik, soltústik-shyǵys, ortalyq bóliginde shańdy daýyl soǵady. Kúndiz ońtústik, soltústik-shyǵys, ortalyq bóliginde ońtústik-shyǵystan qatty jel soǵady (15-20 m/s). Kúndiz oblystyń basym bóliginde kún 42 gradýsqa deıin ysıdy. Tótenshe órt qaýpi saqtalady.
Túnde Pavlodar oblysynyń ońtústiginde, shyǵysynda naızaǵaı jarqyldaıdy. Soltústikten jel soǵyp (18 m/s), naızaǵaı oınaıdy.
Túrkistan oblysynyń soltústiginde-shańdy daýyl turady. Óńirdiń soltústiginde, batysynda, taýly aýdandarynda ekpini 15-20 m/s deıin jel soǵady. Kúndiz oblystyń shóldi aýdandarynda termometr baǵany 42 gradýsqa deıin joǵarylaıdy. Oblystyń kóp bóliginde tótenshe órt qaýpi saqtalady.
Ulytaý oblysynyń ońtústiginde shańdy daýyl soǵady. Oblystyń soltústiginde, ońtústiginde soltústik-shyǵystan soǵatyn jel ekpini 18 m/s deıin jetedi. Oblystyń ortalyǵynda órt shyǵý qaýpi joǵary.