Elimizdiń basym bóliginde qatty jel soǵady - Qazgıdromet
ASTANA. QazAqparat - «Qazgıdromet» RMK 31 qańtarǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym aýmaǵynda ońtústikten shyǵatyn tsıklon áserinen aýa raıy qubylmaly bolady, jaýyn-shashyn, keı jerlerde qatty jaýyn-shashyn kútiledi, tek batys pen soltústikte aýa raıy jaýyn-shashynsyz bolady.
Keı jerlerde respýblıka boıynsha tuman saqtalady, kóktaıǵaq, burqasyn kútiledi, jel kúsheıedi.
Jambyl, Shyǵys Qazaqstan oblystarynyń keı jerlerinde tuman, kóktaıǵaq, jel 15-20, ekpini 23-28 m/s kúsheıip, burqasyn soǵady.
Almaty oblysynda keı jerlerde tuman, kóktaıǵaq kútiledi, túnde jel 18-23 m/s, Alakól aýdanynda 20-25, ekpini 30 m/s kúsheıedi. Túrkistan oblysynyń keı jerlerinde tuman, kóktaıǵaq kútiledi, jel 15-20 m/s, túnde ekpini 25 m/s kúsheıedi.
Aqmola, Qostanaı, Qaraǵandy, Pavlodar, Soltústik Qazaqstan oblystarynyń keı jerlerinde jel 15-20 m/s kúsheıedi, burqasyn bolady.
Qyzylorda, Mańǵystaý, Batys Qazaqstan oblystarynyń keı jerlerinde tuman kútiledi, Qyzylorda oblysynda - keı jerlerde kóktaıǵaq bolady.
