Elimizdiń basym bóliginde ashyq aýa raıy saqtalady
ASTANA. QazAqparat - Qazgıdromet el aýmaǵynda 21 naýryzda bolatyn qaýipti meteorologııalyq qubylystarǵa boljam jasady, dep habarlaıdy QazAqparat.
«Atmosferalyq frontaldy bólikterdiń ótýine baılanysty respýblıkanyń ońtústiginde turaqsyz aýa raıy saqtalady. Túnde ońtústikte qatty jaýyn-shashyn (jańbyr, qar) jaýady, al elimizdiń basym bóliginde antıtsıklon jyrasynyń áserinen jaýyn-shashynsyz ashyq aýa raıy bolady.
Respýblıka boıynsha tuman saqtalady, batysta, ońtústik jartysynda jel kúsheıedi, kúndiz batysta – shańdy daýyl, eldiń ońtústiginde – naızaǵaı kútiledi», - dep jazdy vedomstvo.
