Elimizdiń basseınderinde sýdy tıimdi paıdalaný talaptaryna baılanysty 254 buzýshylyq anyqtaldy
ASTANA. QazAqparat - Jyl basynan beri elimizdiń sý basseınderinde sýdy tıimdi paıdalaný talaptaryn buzýdyń 254 faktisi anyqtaldy. Bul týraly búgin Aýyl sharýashylyǵy mınıstrliginde ótken Sý resýrstary komıtetiniń 2015 jyldy qorytyndylaýǵa arnalǵan alqa otyrysy barysynda málim boldy.
Sý resýrstary komıteti bıylǵy jyly sý basseınderiniń sýdy paıdalaný shekterin ázirlep bekitken. Osy lımıt boıynsha iri sý qoımalarynyń jumys isteý rejımderi boıynsha aýyl sharýashylyǵy, ónerkásip, aýyz sýmen qamtamasyz etý suranystary eskerile otyryp, qajetti sý resýrstary jınaqtalǵan. Osyǵan oraı, aǵymdaǵy jyly elimizde sýmen qamtamasyz etý sharalary tolyǵymen qanaǵattandyrylǵan.
«Sý qorlaryn paıdalaný jáne qorǵaý aıasynda birqatar sharalar qarastyrylǵan bolatyn. Máselen, sý resýrstaryn tıimdi paıdalaný qaǵıdattaryn engizý úshin sý tutyný men sý bólýdiń shoǵyrlandyrylǵan normasy jasaldy. Sý resýrstary komıtetiniń Basseındegi sý ınspektsııalary 2015 jyldyń toǵyz aıynda sýdy paıdalaný talaptarynyń saqtalýy boıynsha 219 tekserý jasady. Bul 2014 jyldyń osy kezeńimen salystyrǵanda 28,8 paıyzǵa joǵary. Tekserý nátıjesinde 254 buzýshylyqtar anyqtaldy. Sonyń 188-i boıynsha buzýshylyqtardy joıý týraly nusqaýlar berilse, 175 aıyppuldar salyndy», - delingen baspasóz baıanynda.
