Elimizdiń baspasóz hatshylary AQSh qurylymdarynda biliktiligin arttyrady

ASTANA. QazAqparat – Qazaqstandyq baspasóz hatshylary AQSh qurylymdarynda biliktiligin arttyrady. Bul jaıynda Aqparat jáne qoǵamdyq damý mınıstri Darhan Qydyráli qazaq tilinde kontent jasaýshylardyń VI forýmynda málim etti, dep habarlaıdy QazAqparat tilshisi.

«Kúni keshe ǵana mınıstrlikte harassmentten qorǵaý jóninde arnaıy buıryq shyǵardyq. Adam quqyqtary, sóz bostandyǵy jáne basqa da máseleler jónindegi qaǵıdattarymyz, zańnamamyz osylaı jetile beredi», - dedi ol.

Mınıstr vedomstvo tarapynan medıasaýatty arttyrý baǵytynda da birqatar sharalar qabyldanǵanyn aıtty.

«Bul úshin biz jańa medıalar ashtyq. Qazirgi kezeńde kóptegen ádistemeler, semınarlar ótkizile bastady. Taıaýda ǵana AQSh Elshiliginiń qoldaýymen baspasóz qyzmeti jóninde úlken jıyn, semınar ótti jáne kitaptyń tusaýkeseri boldy. Taıaýda biz taǵy da AQSh Elshiliginiń qoldaýymen Qazaqstandaǵy baspasóz hatshylaryn AQSh-tyń beldi qurylymdaryna aparyp, biliktiligin arttyrý kýrsyn jalǵastyrýdy jón kórip otyrmyz. Ol úshin taǵy da rahmet aıtamyn», - dedi Darhan Qydyráli.