Elimizdiń bas sanıtarlyq dárigeri Saýd Arabııasynda qaterli vırýstyń taralýyna baılanysty qajylyqqa barýshylarǵa saq bolýdy eskertti
ASTANA. QazAqparat - QR Tutynýshylar quqyǵyn qorǵaý agenttigi tóraǵasynyń mindetin atqarýshy - Bas memlekettik sanıtarlyq dáriger Jandarbek Bekshın Saýd Arabııasynda koronavırýstyń jappaı taralýyna baılanysty bıylǵy qajylyqtan bas tarta turýǵa keńes berdi.
«Biz Qajylyqqa kedergi keltirip otyrǵan joqpyz. Biraq halyqty bıylǵy qajylyqqa barmaı tura turýǵa nemese jyldyń basqa merzimine aýystyrýǵa shaqyrý - bizdiń mindetimiz. Dúnıejúzilik densaýlyq saqtaý uıymy ondaǵy jaǵdaıdy jappaı karantın dep qarastyrmaıdy, degenmen jaǵdaı shynymen de alańdatarlyq», - dedi J. Bekshın búgin Ortalyq kommýnıkatsııalar qyzmetinde ótken brıfıngte.
Onyń aıtýynsha, koronavırýspen aýrý jaǵdaıy eń kóp tirkelgen aımaq Saýd Arabııasy bolyp otyr. Onda 400-den astam jaǵdaı tirkelip, 115 adam kóz jumǵan.
«Bul - óte qaýipti ınfektsııa. Oǵan shaldyqqandardyń ólimi qaýpi 70 paıyzdy quraıdy. Qazir 700-ge jýyq adamda osy arý belgileri tirkelgen, olardyń 300-deıi qaıtys boldy», - dep atap ótti ol.
