Elimizdiń Bas múftıi pravoslavtardy Rojdestvo merekesimen quttyqtady
ASTANA. 7 qańtar. QazAqparat - Qazaqstan musylmandary Dinı basqarmasynyń jáne Ortalyq Azııa múftıler keńesiniń tóraǵasy, Bas múftı Sheıh Ábsattar qajy Derbisáli Astana jáne Qazaqstan mıtropolıti Aleksandr men pravoslav dinin ustanýshy barlyq otandastarymyzdy Rojdestvo merekesimen quttyqtady, dep habarlady mıtropolıt okrýginiń resmı saıty.
«Sizdi jáne pravoslav dinin ustanýshy barlyq otandastarymdy Rojdestvo merekesimen quttyqtaımyn!. Qazaqstan jerindegi ıslam men pravoslavııa dinderi arasyndaǵy kóp jyldyq berik dostyq qazaqstandyqtardyń rýhanı ómirinde, patrıottyqty tárbıeleýde, azamattardyń yntymaǵy men kelisiminiń nyǵaıýynda mańyzdy ról atqarady», - delingen quttyqtaýda.
Joǵary mýftı qazirgi ýaqytta dinı merekeler kópultty elimizdiń ómirimen bite qaınasyp otyrǵandyǵyn atap ótken. Sonymen qatar qoǵamdaǵy tynyshtyq pen kelisim ahýalynyń qalyptassýynda Memleket basshysy Nursultan Nazarbaevtyń júrgizip otyrǵan saıasatynyń róli zor ekendigin basa aıtqan.
«Asa qurmetti mıtropolıt, Sizge jáne Siz arqyly Orys pravoslav shirkeýine otandastarymyzdy patrıottyq rýhta tárbıeleý jolyndaǵy eńbekterińizge jemis jáne barlyq qazaqstandyqtarǵa zor densaýlyq, júrekterine baqyt pen qýanysh jáne Alla taǵalamyzdyń baıtaq elimizdi jarylqaýyn tileıdi», - delingen Qazaqstan musylmandary Dinı basqarmasy men Ortalyq Azııa múftıler keńesi tóraǵasynyń quttyqtaýynda.
