Elimizdiń barlyq respýblıkalyq joldary ashyq
ASTANA. 20 jeltoqsan. QazAqparat - Búgin Qazaqstan aýmaǵyndaǵy barlyq respýblıkalyq joldar ashyq. Bul týraly «Qazaqavtojol» RMK baspasóz qyzmetiniń málimetinde habarlandy.
Esterińizge sala keteıik, keshegi boranǵa baılanysty elimizdiń birqatar óńirindegi joldarda kólik qozǵalysy shektelgen bolatyn. Qazirgi kezde bul joldarda kólik qozǵalysy qalypty tártipte júzege asyrylýda.
«Qazaqavtojol» RMK-nyń oblystyq fılıaldarynyń arnaıy qar tazalaý tehnıkalary jumyldyrylyp, jol boıynda kezekshilik jasaýda.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
