Elimizdiń barlyq óńirlerinde turǵyndardy AITV/JITS týraly aqparattandyrýǵa baǵyttalǵan is-sharalar ótedi
«Sharanyń negizgi maqsaty - búgingi tańda AITV ınfektsııasyn ýaqytyly emdegen jaǵdaıda ol ómirge qaýip tóndiretin dertten sozylmaly aýrýǵa aınalatynyn, mundaıda tolyqqandy uzaq ómir súrýge bolatynyn adamdarǵa túsindirý bop tabylady. ıAǵnı, adamdardy AITV-ge test tapsyrýdan, ol týraly ashyq aıtýdan qoryqpaýǵa shaqyrýdy, týyndaǵan suraqtaryna jaýap tabýyna kómektesýdi, qaterli dertten qaza tapqandardy eske alýdy jáne osy dertpen ómir súrip jatqan adamdarǵa, olardyń týystary men jaqyndaryna qoldaý kórsetýdi kózdeıdi», delingen QR Densaýlyq saqtaý jáne áleýmettik damý mınıstrliginiń saıtynda.
AITV indeti tarala bastaǵaly álemde shamamen 78 mln. adam dert juqtyryp, 39 mln. adam JITS-pen baılanysty aýrýlardan kóz jumdy. Qazaqstanda atalmysh aýrýǵa qarsy júıeli is-sharalar júrgizý nátıjesinde AITV ınfektsııasynyń taralýyna qatysty jaǵdaı turaqtalyp, Dúnıejúzilik densaýlyq saqtaý uıymynyń baǵalaýynsha, shoǵyrlandyrylǵan deńgeıde saqtalyp otyr. Respýblıkada dertke shaldyqqan adamdardyń barlyǵy úshin emdelýge, kútinýge jalpy qoljetimdilik qamtamasyz etilip, bul naýqastardyń ómir jasyn uzartýǵa jáne osy aýrýdan ólim-jitimdi azaıtýǵa yqpal etýde. 2009 jylmen salystyrǵanda 2014 jyly antıretrovırýstyq terapııa alatyn AITV-men ómir súretin naýqastar sany 4,5 esege artty. Ońtústik Qazaqstan oblysynda balalardy tıimdi emdeý úshin «Ana men bala» arnaýly ońaltý ortalyǵy qyzmet etedi. Antıretrovırýstyq terapııanyń tıimdiligin baqylaıtyn jańa tehnologııalar engizilýde. AITV dertine shaldyqqan adamdarǵa konsýltatıvtik-dıagnostıkalyq kómek kórsetý úshin telemedıtsına jetistikteri keńinen paıdalanylyp jatyr. Eske sala keteıik, Búkilálemdik JITS qurbandaryn eske alý kúni 1983 jyldan beri álemde mamyr aıynyń úshinshi jeksenbisinde atap ótiledi.