Elimizdiń barlyq óńirinde Áıelderdi qoldaý ortalyqtary qurylady

NUR-SULTAN. QazAqparat – Elimizdiń barlyq óńirinde Áıelderdi qoldaý ortalyqtary qurylady. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Serik Shápkenov aıtty, dep habarlaıdy QazAqparat tilshisi.

Onyń atap ótýinshe, Halyq tabysyn arttyrý jónindegi 2025 jylǵa deıingi baǵdarlama aıasynda jastardy jumysqa baýlý jáne yntalandyrý úshin zańnamaǵa «jas jumysshy» uǵymy engiziledi. Olar úshin synaq merzimi alynyp tastalady. Sonymen qatar Basqa óńirden kelgen jastarǵa turǵyn úı jaldaý úshin kóterme járdemaqy engizý boıynsha is-sharalar qoldanylady.

«Kópbalaly otbasylar men múgedektigi bar balalardy tárbıelep otyrǵan otbasylar úshin qazirgi kezde qyzmet etetin úlgidegi Áıelderdi qoldaý ortalyqtaryn barlyq óńirlerde qurý josparlaýda. Bul ortalyqtarda jyl saıyn 20 myńǵa jýyq áıelderge keshendi qoldaý kórsetiledi», - dedi Serik Shápkenov.