Elimizdiń barlyq óńiri oıyn mekemelerinen tazartyldy - Erulan Jamaýbaev
«Ekonomıkalyq tergeý qyzmetiniń shtaty 2019 jyly 40%-ǵa qysqardy. Bul jalaqyny arttyrýǵa, sybaılas jemqorlyq táýekelderin tómendetýge jáne joǵary bilikti mamandardy tartýǵa múmkindik berdi. Shtatty qysqarta otyryp, mańyzdy ekonomıkalyq qylmystardy anyqtaý jaǵyna basa nazar aýdaryldy. Osylaısha 26 uıymdasqan qylmystyq top joıyldy», - dedi Erulan Jamaýbaev OKQ ótken halyq aldynda esep berý kezdesýinde.
Onyń aıtýynsha is júzinde elimizdiń barlyq óńiri oıyn mekemelerinen tazartylǵan. 655 zańsyz oıyn oryny men 18 jasyryn kazınonyń joıylýyn qoǵam jyly qabyldaǵan.
«Táýelsiz memleketter dostastyǵynda alǵash ret salmaǵy 1,1 tonnadan astam iri geroın esirtki trafıgi joıyldy. «Qara» naryqta onyń quny shamamen 350 mln dollardy quraıdy. Búgingi tańda aqshalaı qarajatty qolma-qol aqshaǵa aınaldyrý kólemi 18%-ǵa deıin qysqardy», - dedi ol.
