Elimizdiń barlyq emhanalaryna mobıldi qosymsha jasaý mindetteledi
«Tsıfrlandyrý tásilderin qaıta qarap jatyrmyz. Búgin densaýlyq saqtaý júıesin tsıfrlandyrý boıynsha vıtse-premer Asqar Jumaǵalıev pen Áset Isekeshevtiń jınalysy ótti. Biz tsıfrlandyrýdy medıtsına qyzmetkerleriniń jumysyn tsıfrlandyrý dep qarastyrǵan ekenbiz. ıAǵnı, ádettegideı qujat aınalymy men bıznes-protsesterdi tsıfrlandyrý dep túsinippiz. Shyn máninde, álemdik tájirıbege súıensek, tsıfrlandyrý patsıentter múddesine qaraı júrgizilýi kerek eken. Densaýlyq saqtaý júıesi anaǵurlym túsinikti, yńǵaıly jáne ashyq bolý úshin adamnyń densaýlyq saqtaý júıesimen ózara qarym-qatynasy tsıfrlanýy kerek», - dedi mınıstr Eljan Birtanov Astana qalalyq densaýlyq saqtaý basqarmasynyń alqa májilisinde.
Sol sebepti, syrqattardy basqaratyn arnaıy baǵdarlamalary bar mobıldi qosymshalar barlyq emhanalar úshin mindettelýi múmkin. Dál osy qosymshalar arqyly naýqastar densaýlyqqa qatysty, atap aıtqanda ne isteý qajettigin bilip, ekpe kúntizbesi, durys tamaqtaný, qozǵalys belsendiligi týraly aqparat alýy tıis.
«Qosymshada aýrýlardyń aldyn alýǵa, dáriger qabyldaýyna jazylý jáne qabyldaý kestesi syndy mańyzdy aqparattarǵa basymdyq berilýi tıis. (...) Árıne, barlyq azamattar qoldanbaıdy, biraq biz osy baǵytta jumys isteı bermekpiz. Sebebi, elektrondy qurylǵylar arqyly memlekettik qyzmetterdi ǵana emes, memlekettik-jeke medıtsınalyq uıymdar kórsetetin ádettegi qyzmetterdi de jetildirý qajet», - dep óz sózin túıindedi E.Birtanov.