Elimizdiń barlyq aımaǵynda jel turady - Qazgıdromet

ASTANA. QazAqparat - Qazgıdromet el aýmaǵynda 17 tamyzda bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

Atmosferalyq frontaldy bólimderdiń ótýine baılanysty elimizdiń batysynda, shyǵysynda turaqsyz aýa raıy kútiledi. Jańbyr, naızaǵaı, túnde Shyǵys Qazaqstan oblysynyń taýly aımaqtarynda jaýyn-shashyn bolady. Respýblıka boıynsha ekpindi jel turýy múmkin, soltústikte, shyǵysta, ońtústik-batysta, ortalyqta túngi jáne tańerteńgi saǵattarda tuman túsedi.

«Kúndiz Atyraý oblysynyń batysynda, shyǵysynda, Aqtóbe oblysynyń ońtústiginde 35-36°S qatty ystyq kútiledi.

Atyraý, Mańǵystaý, Jambyl, Qyzylorda, Aqtóbe, Batys Qazaqstan oblystarynda, Qostanaı oblysynyń ońtústiginde, Qaraǵandy oblysynyń ortalyǵynda, Almaty oblysynyń soltústiginde, Túrkistan oblysynyń soltústiginde, batysynda, ońtústiginde, shóldi aýdandarynda tótenshe órt qaýpi saqtalady», - dep jazdy sınoptıkter.

Soltústik Qazaqstan oblysynyń soltústiginde, batysynda, Almaty oblysynyń ońtústiginde, Aqmola oblysynyń batysynda, ońtústiginde, Jetisý oblysynyń batysynda joǵary órt qaýpi bar.