Elimizdiń Aımaqtyq damý boljamdyq nusqasy kúzge deıin daıyn bolady - J. Aıtjanova
ASTANA. Mamyrdyń 27-si. QazAqparat /Rýslan Ǵabbasov/- Elimizdiń Aımaqtyq damý boljamdyq nusqasy kúzge deıin daıyn bolady.
Bul týraly búgin Parlament Senatynyń depýtattarymen kezdesý barysynda osy máselege baılanysty qoıylǵan saýalǵa jaýap berý kezinde Ekonomıkalyq damý jáne saýda mınıstri Janar Aıtjanova aıtty, dep habarlaıdy QazAqparat.
«Qazirgi kezde biz Aımaqtyq damýdyń boljamdyq syzbasyn daıyndap jatyrmyz. Osy syzbanusqany naqty máselelerdi sheshýge arnalǵan qujat retinde josparlap otyrmyz»,-dedi J. Aıtjanova.
«Іshki mıgratsııa problemasy úlken másele. Elimizdegi halyqtyń 40 paıyzdan astamy aýyldyq jerde turady. Onyń 31 paıyzy aýyl sharýashylyǵy salasynda jumys isteıdi. Biraq aýyl sharýashylyq salasy ishki ónimniń tek 5 paıyzyn ǵana beredi. ıAǵnı halqymyzdyń 31 paıyzy ishki ónimniń tek 5 paıyzyna jumys isteıdi. Sol problemalardy sheshý úshin Óndiristik qýattardy ornalastyrý júıesin jáne Aımaqtyq damý boljamdyq nusqasyn jasaımyz. Ony biz kúzge deıin daıarlaýymyz qajet»,-dedi mınıstr.
