Elimizdiń avtojoldary boıynda 600-ge jýyq jylytý beketi jasaqtaldy - QR TJM
ASTANA. 15 qarasha. QazAqparat - Aımaqtyq joldarda 589 jylytý beketteri, onyń ishinde 192-si respýblıkalyq jáne 397-si jergilikti mańyzy bar joldarda ornalastyryldy.
Bul jaıynda búgin QR Tótenshe jaǵdaılar mınıstrliginde ótken baspasóz máslıhatynda málim boldy.
Belgili bolǵandaı, apattyq qaýpi bar respýblıkalyq mańyzdaǵy joldarda medıtsınalyq qyzmet kórsetýge negizdelgen 6 medıtsınalyq-qutqarý beketi jumys istep jatyr. 2011-2015 jyldarǵa deıingi «Salamatty Qazaqstan» Memlekettik baǵdarlamasy aıasynda kúre joldarda 40 medıtsınalyq-qutqarý beketin qurý qarastyrylyp otyr.
Atalǵan qutqarý reanımobılderde jedel qyzmet kórsetý brıgadasy «Astana-Almaty», «Almaty-Bishkek», «Almaty-Óskemen», «Almaty-Qapshaǵaı» joldarynda táýlik boıy kezekshilikte turady.
