Elimizdiń aýyl sharýashylyǵy salasynda tirkelgen kooperatıvter sany 3 434-ke jetip otyr
Vıtse-mınıstrdiń aıtýynsha, búgingi tańdaǵy aýyl sharýashylyǵy salasynda oryn alyp otyrǵan ózekti máseleniń biri mal sharýashylyǵyndaǵy usaq taýarlylyqqa qatysty bolyp tabylady. «2013 jyly uıymdastyrylǵan jeke jáne qosalqy sharýashylyqtyń 75 paıyzǵa jýyǵy mal sharýashylyǵy óniminiń ónidirisine tıesili boldy. Osyǵan uqsas jaǵdaı ósimdik sharýashylyǵynda da oryn alady. Osyǵan baılanysty jalpy aýyl sharýashylyǵyna paıdalanylatyn jerdiń jalpy kóleminiń 50 gektarǵa deıingi kólemdi sharýashylyqtyń joǵary úlesin 65 paıyzǵa keltirýge tıispiz. Búgingi tańda aýyldyq qurylymdardyń jalpy sanynda kooperatıvterdiń úlesi 1 paıyzdan az bolyp otyr», - deıdi vıtse-mınıstr.
Onyń sózine qaraǵanda, 2014 jylǵy 1 qańtardaǵy jaǵdaı boıynsha elimizde 3 434 kooperatıvter tirkelgen. Sonyń ishinde 1463-i aýyldyq tutynýshy kooperatıvter, 498-i sý paıdalanýshy aýyldyq tutyný kooperatıvteri, 1473-i óndiristik kooperatıvter bolyp tabylady. Al kooperatıvterdiń negizgi úlesi eldiń ońtústik aımaqtarynda ornalasqan.
«Zań jobasy boıynsha aýyl sharýashylyǵy kooperatıvi dárejesin kommertsııalyq emes toptan kommertsııalyqqa aýystyrý kózdeledi. Budan bólek, aýyl sharýashylyǵy kooperatıvin uıymdastyrý-quqyqtyq túrinde óndiristik kooperatıv qurý, olarǵa arnaıy salyq tártibin engizý qarastyrylady. Budan bólek, zańnamalyq negizde kooperatıvtiń mindetti ishki aýdıtin engizý jáne onyń qunyn 50 paıyzǵa deıin sýbsıdııalaý usynylady», - dedi vıtse-mınıstr.