Elimizdiń aýmaǵynda júrgen bosqyndardy qaıta tirkeý júrgizilip jatyr
ASTANA. Maýsymnyń 15-i. QazAqparat /Qanat Mámetqazyuly/ - Jaqynda Qazaqstan Respýblıkasy Eńbek jáne halyqty áleýmettik qorǵaý mınıstrligi men Qazaqstan Respýblıkasyndaǵy bosqyndar máselesi boıynsha BUU Joǵarǵy Komıssary Basqarmasynyń birlesken málimdemesi jarııalandy.
Ol boıynsha Mınıstrliktiń Kóshi-qon komıteti men BUU BJKB Qazaqstanda júrgen barlyq bosqyndardy qaıta tirkep, olarǵa Qazaqstan bıligindegi mandatty berý jónindegi máselelerdi qaraý jumysyn júrgizip jatqanyn málimdeıdi.
«Qazaqstan Respýblıkasynyń «Bosqyndar týraly» Zańy aǵymdaǵy jylǵy qańtardyń 1-inde kúshine endi. Zańnyń júzege asyrylýy Qazaqstan Respýblıkasy Eńbek jáne halyqty áleýmettik qorǵaý mınıstrliginiń Kóshi-qon komıtetine júktelgen jáne Qazaqtan Respýblıkasyndaǵy bosqyndar quqyǵy boıynsha BUU Joǵarǵy Komıssary Basqarmasynyń aýmaqtyq ókildigimen birlesip atqarylýda. (ári qaraı BUU BJKB). Kóshi-qon Komıteti men BUU BJKB Qazaqstanda júrgen barlyq bosqyndardy qaıta tirkep, olarǵa Qazaqstan bıligindegi mandatty berý jónindegi máselelerdi qaraýda qarqyndy jumys júrgizýde. Kóshi-qon basshylyǵy jáne BUU BJKB Qazaqstanda bosqyn retinde qorǵaý izdep júrgen barlyq adamdardy Kóshi-qon komıtetiniń aýmaqtyq departamentterine kesheýildetpeı tirkelýge úndeıdi. Quqyq qorǵaý organdary Kóshi-qon komıtetimen jáne BUU BJKB ókildigimen ózara tyǵyz árekette, bosqyn mártebesine úmitker tulǵalardyń kóshi-qon, eńbek zańnamalaryn jáne QR «Bosqyndar týraly» Zańyn buzýǵa jol bermeý maqsatynda shuǵyl eskertý sharalaryn júrgizip otyr», delingen málimdemede.
Bul turǵyda taǵy bir aıta keter jaıt, «Mıgrant» josparly operatsııasynyń sheńberinde 2010 jyldyń maýsymynda prokýratýra organdarynyń jáne sot sanktsııasymen Tájikstan, Qyrǵyzstan jáne Ózbekstan azamattary qamaýǵa alynǵan. Olar buǵan deıin aýyr qylmys jasaǵandary úshin izdeýde júrgender bolatyn. Qamaýdaǵylardyń arasynda Ózbekstan quqyq qorǵaý organdarynyń qyzmetkerlerine, dinı qyzmetkerlerge shabýyl jasap, kisi óltirip, qarý qoldanǵan dep aıyptalǵan tulǵalar bar bolyp shyqty. «Barlyq qamaýǵa alynǵan shetel azamattary BUU BJKB-na ózderin bosqyndar dep taný jónindegi aryzdaryn aldyn-ala bergendikten, «Bosqyndar týraly» QR Zańyna sáıkes, Almaty qalasy boıynsha Kóshi-qon departamentinde qaıta tirkeý protsedýrasynan ótti. Halyqaralyq normalarǵa sáıkes qazirgi ýaqytta zańdy tekserister júrgizilip jatyr. Bul ýaqyt aralǵynda qamaýǵa alynǵan tulǵalarǵa Qazaqstan Respýblıkasy «Bosqyndar týraly» Zańyna sáıkes májbúrlengen deportatsııadan qorǵaýǵa kepildik beriledi», delingen úndeýde.
