Elimizdiń aýmaǵynda 3,2 myńnan astam qylmys jasaldy

NUR-SULTAN. QazAqparat – Bir apta ishinde elimizdiń aýmaǵynda 3 211 qylmys jasaldy. Bul týraly QR ІІM resmı ókili Nurdildá Oraz aıtty, dep habarlaıdy QazAqparat tilshisi.

«Bir apta ishinde 3 211 qylmys jasaldy. Onyń 2 212-si táýlik ishinde ashyldy», - dedi Nurdildá Oraz Іshki ister mınıstrliginiń baspasóz qyzmeti alańynda ótken brıfıng barysynda.

Resmı ókildiń atap ótýinshe, polıtsııa qyzmetkerleri apta ishinde «izin sýytpaı» 11 kisi óltirýdi, alty ólimge ákep soqqan densaýlyqqa qasaqana aýyr zııan keltirýdi, tórt qaraqshylyq, 32 tonaý jáne 466 bóten múlikti urlaý qylmystaryn ashty.