Elimizdiń áýe kompanııalarynyń «qara tizimdegi» jaǵdaıy túzetiledi - mınıstr Á. Qusaıynov
ASTANA. Qańtardyń 13-i. QazAqparat /Rýslan Ǵabbasov/ - «Qara tizimdegi» elimizdiń áýe kompanııalarynyń jaǵdaıy túzetiledi. Bul týraly búgin Astanada ótken alqa májilisinde Kólik jáne kommýnıkatsııa mınıstri Ábilǵazy Qusaıynov málim etti,
dep habarlaıdy QazAqparat.
«Azamattyq avıatsııa salasynda áýe kemeleri parkiniń tozýy problemalary bar. Birqatar sebepter boıynsha Qazaqstan áýe kompanııalary (Eýropalyq komıssııanyń) «qara tizimge» engizildi»,-dedi mınıstr.
Á. Qusaıynovtyń sózine qaraǵanda, azamattyq avıatsııa qyzmetin qadaǵalaýdy kúsheıtý úshin Azamattyq avıatsııa komıtetiniń shtattyq sany ósirilip, tıisti sharalar atqarylýda. «Osy baǵyttaǵy sharalardyń birinshi nátıjeleri bar. «Qara tizimnen» bir áýe kompanııasy shyǵaryldy. Qalǵan kompanııalar boıynsha tıisti jumystar júrgizilýde. Bıylǵy jyldyń barysynda biz bul jaǵdaıdy túzetemiz»,-dedi mınıstr.
