Elimizdiń astyq qabyldaý kásiporyndarynda 3 mln. 568 myń tonna astyq jatyr - AShM
ASTANA. 23 shilde. QazAqparat - Aýyl sharýashylyǵy mınıstrliginiń sońǵy málimetteri boıynsha elimizdiń astyq qabyldaý kásiporyndarynda 3 mln. 568 myń tonna astyq jatyr. Bul týraly búgin mınıstrlikte ótken brıfıng barysynda málim boldy.
Keltirilgen málimetterge qaraǵanda, el kásiporyndaryndaǵy astyqtyń 2 mln. 784,5 myń tonnasy nemese qoımadaǵy astyqtyń 25 paıyzy úsh negizgi astyq sebýshi oblystarǵa tıesili bolyp otyr. Atap aıtqanda, Aqmola oblysynda 565,2 myń tonna, Qostanaı oblysynda 1 mln. 578,3 myń tonna jáne Soltústik Qazaqstan oblysynda 641,4 myń tonna astyq bar.
Jalpy, elimizdiń aýmaǵynda syıymdylyǵy 13,9 mln. tonnany quraıtyn 215 lıtsenzııalanǵan astyq qabyldaý kásiporyndary jumys isteıdi. Budan bólek, aýyl sharýashylyǵy taýaryn óndirýshilerdiń ózderinde 10,6 mln. tonnaǵa jýyq astyq saqtaı alatyn qoımalary da barshylyq. Osynyń bárin eskergende Qazaqstanda tutastaı 24,5 mln. tonna shamasynda astyqtyń syıymdylyǵyn qamtamasyz etetin saqtaý oryndary jumys isteıdi.
