Elimizdiń árbir azamaty ınternet arqyly elimizde qabyldanatyn zańdarǵa ózderiniń usynystaryn bildire alatyn boldy
ASTANA. 20 sáýir. QazAqparat /Aıdar Ospanalıev/ - Elimizdiń árbir azamaty endi ınternet arqyly elimizde qabyldanatyn zańdarǵa baılanysty ózderiniń usynystaryn bildire alady.
Bul týraly búgin jýrnalıstermen bolǵan brıfıngte Ádilet mınıstrliginiń resmı ókili Erbolat Erimbet málim etti.
Onyń sózine qaraǵanda, 1 sáýir kúni «Zań shyǵarmashylyǵy qyzmeti boıynsha keıbir zańnamalyq aktilerge ózgerister men tolyqtyrýlar engizý týraly» zań qabyldandy. Osy zańǵa sáıkes, elimizdiń Bıýdjet kodeksi men «Normatıvti quqyqtyq aktiler týraly», «Ákimshilik protsedýralar týraly» zańdaryna túzetýler engizildi.
«Atalmysh zań talaptary boıynsha elimizdegi árbir memlekettik organ ózderi daıyndaǵan zań jobalaryn ınternet-resýrstarynda jarııa etýleri tıis. Aqparattyq tehnologııalardyń damyp kele jatqan tusynda atalmysh shara óte ózekti bolmaq jáne ol zań jobalaryn kópshiliktiń talqylaýyna usynýǵa mol múmkindik týdyrady. ıAǵnı elimizdiń árbir azamaty memlekette qabyldanatyn zań jobalary boıynsha ózderiniń usynystaryn berýge múmkindik alady», - dedi resmı ókil.
