Elimizdiń ár óńirinde jańa mamandyqtar atlasy daıyndalady - Saıasat Nurbek

NUR-SULTAN. QazAqparat – Elimizdiń ár óńirinde jańa mamandyqtar atlasy daıyndalady. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Mamandyǵym – bolashaǵym» jobasy aıasynda ár óńirde jańa mamandyqtar atlasy daıyndalady. Ol baǵdarlama byltyr Pavlodar oblysynda ilki joba retinde iske asyryldy. Endi ár óńirdiń óńirlik atlasy, ár salanyń atlasy bolady. Ár balaǵa, ár otbasyna naqty eńbek naryǵynyń talaby, suranysy, eńbek naryǵy usynatyn mamandyqtar tizbesi beriledi. Bizdiń joǵary oqý oryndarymyz jańa bilim berý baǵdarlamalaryn osy atlastarmen, ıaǵnı eńbek naryǵynyń talabymen ushtastyrady», - dedi Saıasat Nurbek respýblıkalyq tamyz konferentsııasy barysynda.

Onyń aıtýynsha, endigi ýaqytta joǵary bilim deńgeıindegi jańa oqý baǵdarlamalarda birinshiden, kásiptik standart eskerilýi tıis. Ekinshiden, eńbek naryǵynyń talabyn eskerý qajet.