Elimizdiń alty óńirinde aýa raıyna baılanysty eskertý jarııalandy

ASTANA. QazAqparat - Elimizdiń alty oblysynda tuman, kóktaıǵaq jáne qatty jaýyn-shashyn bolady, dep habarlaıdy QazAqparat «Qazgıdromet» RMK baspasóz qyzmetine silteme jasap.

23 qarashada túnde jáne tańerteń Batys Qazaqstan oblysynyń soltústiginde, shyǵysynda tuman túsip, kóktaıǵaq bolady.

Ońtústik-shyǵystan, shyǵystan jel soǵady, kúndiz oblystyń batysynda ekpini 15-20 m/s jetedi. Oralda 23 qarashada túnde jáne tańerteń tuman, kóktaıǵaq kútiledi.

Soltústikte, Qyzylorda oblysynyń ortalyǵynda tuman túsedi.

23 qarashada túnde jáne tańerteń Túrkistan oblysynyń batysynda, soltústiginde, ońtústiginde, taýly jáne taý bókterindegi aımaqtarynda tuman túsedi.

23 qarasha túnde jáne tańerteń Shymkent, Túrkistan qalalarynda keı jerlerde tuman túsedi.

Shyǵys Qazaqstan oblysynyń basym bóliginde qar jaýady, oblystyń soltústigi men shyǵysyna da qalyń qar túsedi. Oblystyń soltústiginde, ortalyǵynda, ońtústiginde qarly boran. Soltústik-batystan soǵatyn jeldiń ekpini soltústikte, ortalyqta, oblystyń ońtústiginde 15-20 m/s jetedi.

23 qarashada túnde Jetisý oblysynyń taýly jáne taý bókterindegi aýdandarynda qatty jaýyn-shashyn (jańbyr, qar), keı jerlerde tuman túsedi. Ońtústik-batystan jel soǵady, oblystyń shyǵysynda ekpini - 17-22 m/s.

Aqtóbe oblysynyń soltústiginde, batysynda, shyǵysynda kóktaıǵaq, oblystyń ońtústiginde, shyǵysynda tuman túsedi. 23 qarasha túnde Aqtóbede kóktaıǵaq bolady.