Elimizdiń alshaq stantsııa turǵyndary tegin sapaly medıtsınalyq tekserýden ótedi

Memlekettiń basym mindetteriniń biri - medıtsınalyq qyzmetter sapasyn arttyrý men halyq úshin qol jetkizilimdigin sheshýge múmkindik berý maqsatynda «Medıtsınalyq poıyzdar» jobasy aıasynda 11 sáýirden bastap, «Salamatty Qazaqstan», 18 sáýirden bastap, «Densaýlyq» poezdary jolǵa shyǵady. Poıyzdar zamanaýı dıagnostileý jáne emdeý jabdyǵymen: kompıýterlik spırometrııalyq júıemen, ehoentsefalograf, beınegastrofıbroskop, kardıologııalyq monıtorlyq júıemen, rentgen-, stomatologııalyq, LOR- jáne oftalmologııalyq zamanaýı quraldarmen jabdyqtalǵan.

 «Salamatty Qazaqstan» poıyzy ortalyq, soltústik, shyǵys jáne batys óńirler bóligin 11 sáýirden bastap, 6 qarashaǵa deıin qamtıdy. Al «Densaýlyq» poıyzy ońtústik jáne batys óńirlerdi 18 sáýirden bastap 20 jeltoqsanǵa deıin qamtıdy.

 Joba sheńberinde alshaq stantsııa turǵyndary negizgi medıtsına salasynyń  bilikti mamandarynan tegin tekserý men emdeýden ótý múmkindigine ıe bolady.

Ár medıtsınalyq poıyz konsýltatıvtik-dıagnostileý kómegin kórsetýge  arnaıy jabdyqtalǵan 8 vagonnan turady. Dárigerler brıgadasynyń quramynda terapevt, pedıatr, nevropatolog, okýlıst, LOR, gınekolog, hırýrg, ýrolog, mammolog, stomatolog sııaqty negizgi baǵyt mamandary bar. Apparatýra patsıentterge qajet jaǵdaıda cito rejıminde qan men zárge jan-jaqty jalpy jáne bıohımııalyq taldaýlar, rentgenografııa men flıýrografııa, ishki organdar men tamyrlarǵa ÝZI-tekserýler, elektrokardıogramma, veloergometrııa, gastrofıbroskopııa, kompıýterlik spırografııany, ehoentsefalografııa men dıagnostilep tekserýdiń kóptegen basqa túrlerin júrgizýge múmkindik beredi. Sonymen qatar «Medıtsınalyq poezdardyń» dárigerleri men patsıentteri telemedıtsınalyq konferentsııa kómegimen Astana men Almatydaǵy respýblıkalyq klınıkanyń úzdik mamandarynan konsýltatsııa ala alady.

Uıymdastyrýshylardyń aıtýynsha, medıtsınalyq personal men poıyz brıgadasyna arnalǵan eki vagon-kýpede aýa baptaǵyshtar, teledıdarlar, tońazytqyshtar, sebezgi, bıo-dárethanalar men kir jýý orny ornatylǵan. Sondaı-aq vagon-restoran men vagon-dızeldi generatory bar. Onyń kúshi TJ jaǵdaıynda shaǵyn turǵylyqty eldi mekenderge jaryq berýge jetkilikti. Qalǵan tórt vagon tek halyqty qabyldaýǵa jáne medıtsınalyq kómek kórsetýge arnalǵan. Bul jaǵdaıda dárigerlerge arnalǵan jaıly vagondar, poıyzdardyń jolda jylyna 300 kún bolýyna oraı jabdyqtalǵan.

2010 jyldan 2016 jyl aralyǵynda medıtsınalyq poezdar mamandary 1052 alshaq stansa turǵyndaryn qarady. Bul degenimiz 299 myńnan astam adam, olardyń ishinde 71,5 myńy - balalar.

2010-2016 j.j. aralyǵynda «Densaýlyq» poıyzy "Paryz" bıznestiń áleýmettik jaýapkershiligi boıynsha respýblıkalyq konkýrstyń «Jyldyń úzdik áleýmettik jobasy» nomınatsııasynda jáne 2010 jyly «Qazaqstandaǵy № 1 jyl tańdaýy» halyqaralyq festıvalinde Qazaqstannyń úzdik áleýmettik-jaýapty jobasy bolyp tanyldy.

«Medıtsınalyq poezdar» jobasy «QTJ» UK» AQ Áleýmettik jobalar qory, «Samruk-Kazyna Trust» áleýmettik jobalardy damytý qory, «Qazposhta» AQ, Qazaqstan Respýblıkasynyń Densaýlyq saqtaý mınıstrligi, Іshki ister mınıstrligi óńirlik atqarýshy organdardyń qoldaýymen iske asyrylady.

Aıta keteıik, «Medıtsınalyq poezdar» atty keń aýqymdy áleýmettik joba 2010 jyldan bastap iske asyrylýda.

Joba jańalyqtary, júrý baǵdarlary, foto jáne beıne materıaldarmen wwww.medpoezd.kz  saıtynda tanysýǵa bolady.