Elimizdiń agroónerkásip kesheni 2009 jyldy tabysty aıaqtady -Úkimet basshysy
ASTANA. Jeltoqsannyń 14-i. QazAqparat /Ernur Aqanbaı/ - QR Premer-Mınıstri Kárim Másimovtyń paıymdaýynsha, Qazaqstannyń agroónerkásip kesheni 2009 jyldy tabysty aıaqtady.
Úkimet basshysy bul pikirin búgin Astanada ótken agroónerkásip keshenin damytý máselelerine arnalǵan respýblıkalyq keńeste aıtty, dep habarlaıdy QazAqparat.
Úkimet basshysy daǵdarystyń saldarynan bolǵan qarjylyq, ekonomıkalyq qıynshylyqtarǵa qaramastan, memleket aýyl sharýashylyǵyna teńdessiz kómek kórsetip, qoldady. Qazaqstannyń jınaǵan rezervteri ekonomıkanyń naqty sektoryndaǵy, sonyń ishine aýyl sharýashylyǵy salasyndaǵy problemaldardy sheshýge baǵyttaldy. «Eger sol rezevter bolmaǵanda memleket, Úkimet, sizder men bizder egin egý jumystaryn, jıyn-terin naýqanyn júrgize almaǵan bolar edik. Dúnıejúzilik banktiń, Halyqaralyq valıýta qorynyń kómegine júginer edik. Qudaıǵa shúkir, rezervimiz boldy», dedi K. Másimov.
Premer-Mınıstr der kezinde jınalǵan rezerv aýyl sharýashylyǵy salasyndaǵy ózekti problemalardy sheshýge, salany modernızatsııalaýǵa mol kómek jasaǵanyn atap kórsetti.
