Elimizdiń 9 stadıony halyqaralyq jarystardy ótkize alady - QR fýtbol federatsııasynyń vıtse-prezıdenti
ALMATY. 6 sáýir. QazAqparat /Ádilet Musahaev/ - Aǵymdaǵy jyldyń 1 qańtaryndaǵy ÝEFA-nyń sertıfıkattaýy boıynsha elimizdiń 9 stadıony halyqaralyq dodalardy ótkize alady.
Bul jaıynda QR fýtbol federatsııasynyń vıtse-prezıdenti Vıktor Katkov Almatyda «Fýtbol alańdary men jasandy shóp. Qurylys pen kútim» atty semınar barysynda málim etti.
Onyń aıtýynsha, Almaty, Astana, Taldyqorǵan, Aqtóbe jáne Kókshetaý qalalaryndaǵy fýtbol stadıondary halyqaralyq standarttarǵa saı ári sol deńgeıde jarys ótkizýge daıyn. "ÝEFA ókilderi stadıondardyń daıyndyǵyn jiti baqylaýda, sondaı-aq olar bekitken ereje boıynsha áýejaı men stadıonnyń arasy 190 shaqyrymnan aspaý kerek",- deıdi V.Katkov.
Sonymen qatar ol el fýtbolyn damytýda jastardy jattyqtyrý mańyzdy ekendigin aıtyp ótti. "Biraq qazir olardy jattyqtyrýdaǵy jaǵdaıdyń tómendigin el quramasynyń nátıjelerinen kórýge bolady. Stadıondarda jasandy tósemshelerdi paıdalaný kóptegen elder úshin qalypty jaǵdaı, sondyqtan klımattyq jaǵdaıdaǵy Qazaqstanǵa da ony paıdalanǵan tıimdi",-deıdi V.Katkov.
