Elimizdiń 7 qalasynda aýa sapasy nasharlaıdy
ASTANA. QazAqparat - Dúısenbi, 9 shilde kúni Qazaqstannyń jeti qalasynda jaǵymsyz meteorologııalyq jaǵdaı qalyptasady, dep habarlaıdy QazAqparat.
«Qazgıdromet» RMK-nyń málimetinshe, atmosferalyq aýanyń lastanýy Astana, Atyraý, Qaraǵandy, Kókshetaý, Taldyqorǵan jáne Shymkent qalalarynda kútiledi. Onymen qosa, Almaty qalasynyń atmosferasynda lastaýshy zattardyń shoǵyrlanýy boljanady.
Elimizdiń qalǵan qalalarynda jaıly meteojaǵdaı qalyptasady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteofaktorlardyń (tymyq, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
