Elimizdiń 6 oblysy aýmaǵyndaǵy respýblıkalyq joldardyń ýchaskeleri jabyldy
ASTANA. 15 qańtar. QazAqparat - Boranǵa baılanysty elimizdiń 6 oblysy aýmaǵyndaǵy respýblıkalyq joldardyń ýchaskeleri jabyldy. Bul týraly búgin «Qazaqavtojol» RMK-nyń baspasóz qyzmeti habarlaıdy.
Almaty oblysy boıynsha 12 qańtardan beri "Úsharal-Dostyq" jolynyń 0-184 shaqyrymy aralyǵynda avtokóliktiń barlyq túrleri úshin jol qozǵalysyna shekteý qoıyldy.
Sonymen qatar búgin saǵat 13.30 bastap "Almaty-Óskemen" jolynyń 558-615 shaqyrymynda "Úsharal-Shyǵys Qazaqstan obl. shekarasy" aralyǵynda avtokóliktiń barlyq túrleri úshin jol jabyldy.
Shyǵys Qazaqstan oblysy aýmaǵynda saǵat 10.00 bastap "Almaty-Óskemen" jolynyń 977-1075 shaqyrymyndaǵy "Qalbataý-Q.Qaısenov" aralyǵynda da avtokóliktiń barlyq túrleri úshin jolǵa shyǵýǵa tyıym salyndy.
Munymen qosa saǵat 11.00 bastap qolaısyz aýa raıyna baılanysty "Semeı-Novoaltaıskıı-RF shekarasy" jolynyń 2-113 shaqyrymynda avtokóliktiń barlyq túrleri úshin jol qozǵalysyna shekteý qoıyldy.
Sondaı-aq búgin saǵat 12.30 bastap avtokóliktiń barlyq túrleri úshin - "Óskemen-Semeı" jolynyń 45-198 shaqyrymyndaǵy "Tavrııa -Semeı" aralyǵy;
- "Almaty-Óskemen" jolynyń 615-775 shaqyrymyndaǵy "Almaty obl shekara-Aıagóz" aralyǵy;
- "Taskesken-Bahty" jolynyń 0-187 shaqyrymyndaǵy "Taskesken aınalymy-Bahty" aralyǵynda jol jabyldy.
Al saǵat 14.30 bastap "Omby-Maıqapshaǵaı" jolynyń 733-906 shaqyrymyndaǵy "Semeı q.-s.Qalbataý" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Budan bólek, saǵat 16.00 bastap "Óskemen-Rıdder-RF shekarasy" jolynyń 15-191 shaqyrymyndaǵy "Beloýsovka a.-RF shekarasy" aralyǵynda avtokóliktiń barlyq túrleri úshin jol jabyldy.
15 qańtar saǵat 17.00 beri "Óskemen-Zyrıan-Katon Qaraǵaı" jolynyń 6-165 shaqyrymyndaǵy "Stepnoe a-Zyrıan q." aralyǵynda avtokóliktiń barlyq túrleri úshin jol qozǵalysyna shekteý qoıyldy.
Jambyl oblysy boıynsha 15 qańtar saǵat 15.30 bastap "Almaty-Tankent-Termez" jolynyń 528-593 shaqyrymyndaǵy "Aısha bıbi-Ońtústik Qazaqstan obl" aralyǵynda avtokóliktiń barlyq túrleri úshin jolǵa shyǵýǵa tyıym salyndy.
Qaraǵandy oblysy óńirindegi boran saldarynan búgin saǵat 12.30 bastap "Qyzylorda-Pavlodar" jolynyń 433-749 shaqyrymyndaǵy "Jezqazǵan-Atasý" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Pavlodar oblysy boıynsha búgin saǵat 18.45 bastap qolaısyz aýa raıyna baılanysty "Astana-Ereımentaý-Shiderti" jolynyń 205-259 shaqyrymyndaǵy "Aqmola obl.shekarasy-Shiderti" aralyǵynda avtokóliktiń barlyq túrleri úshin jol jabyldy.
Sonymen qatar saǵat 14.30 bastap "Pavlodar-Sharbaqty-RF shekarasy" jolynyń 82-112 shaqyrymyndaǵy "Sharbaqty-RF shekarasy" aralyǵynda avtokóliktiń barlyq túrleri úshin jol qozǵalysyna shekteý qoıyldy.
Ońtústik Qazaqstan oblysy óńirinde búgin saǵat 16.00 bastap "Almaty-Tashkent-Termez" jolynyń 593-658 shaqyrymyndaǵy "Jambyl obl. -Jibek joly a." aralyǵynda avtokóliktiń barlyq túrleri úshin jol jabyldy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
