Elimizdiń 5 óńirinde aýa raıyna qatysty eskertý jarııalandy

ASTANA. QazAqparat - Respýblıkanyń bes oblysynda aýa raıyna qatysty eskertý jarııalandy. Bul QazAqparat týraly Qazgıdromet RMK-ǵa silteme jasap habarlaıdy.

4 qazanda kúndiz Atyraý oblysynyń soltústik, shyǵys jáne ortalyǵynda ońtústik-shyǵystan jel soǵyp, ekpini 15-20 m/s bolady.

4-6 qazan kúnderi Jambyl oblysynyń taýly aımaqtarynda tuman túsedi. Soltústik-shyǵystan soǵatyn jel 4-6 qazanda oblystyń ońtústik-batysy, soltústik-shyǵysynda, taýly aımaqtarda 15-20 m/s-ke jetedi, al 6 qazanda ekpini 23 m/s deıin jetýi yqtımal.

4 qazan kúni Jetisý oblysynyń soltústiginde, shyǵysynda soltústik-shyǵystan soǵatyn jeldiń ekpini 15-20 m/s deıin jetedi.

Batys Qazaqstan oblysynda ońtústik-shyǵystan jel soǵyp, kúndiz batysta, ońtústikte, oblys ortalyǵynda ekpini 15-20 m/s deıin jetedi.

Mańǵystaý oblysynyń batysynda, ońtústiginde, ortalyǵynda shańdy daýyl soǵady. Jel ońtústik-shyǵystan, kúndiz batysta, ońtústikte, oblys ortalyǵynda 15-20 m/s jyldamdyqpen jel soǵady.