Elimizdiń 5 oblysyndaǵy taýly aımaqta qar kólemi jyldyq mólsherden joǵary
«2023 jylǵy 10 qańtardaǵy jaǵdaı boıynsha jazyq aýmaqtaǵy qar jamylǵysyndaǵy ylǵal qorynyń kórsetkishteri negizinen ortasha jyldyq mánnen joǵary. Ulytaý oblysynyń Keńgir ózeniniń alabynda - 28, Qostanaı oblysynyń Qaratorǵaı ózeniniń alabynda - 26, Aqtóbe oblysynyń Іlek ózeniniń alabynda 15 paıyzǵa joǵary bolyp tur. Qaraǵandy oblysynyń ózen alaptarynda, Aqmola, Qostanaı jáne Soltústik Qazaqstan oblystarynyń jekelegen ózen alaptarynda ortasha kóp jyldyq mánder sheginde baıqalady. Al Batys Qazaqstan, Atyraý, Aqtóbe, Aqmola, Ulytaý jáne Qostanaı oblystarynyń ózen alaptarynda ortasha kópjyldyq mánderden tómen», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, 2023 jylǵy 1 aqpandaǵy qar ólsheý marshrýttarynyń derekteri boıynsha eldiń taýly bóliginde qar kólemi 5 óńirde ortasha kópjyldyq mánnen joǵary bolyp otyr. Atap aıtqanda, Shyǵys Qazaqstan jáne Abaı oblystaryndaǵy Buqtyrma jáne Shúlbi sý qoımalarynyń aımaqtarynda, sondaı-aq Ertis ózeniniń sol jaǵalaýyndaǵy salalarda jáne Tarbaǵataı jotasynyń ońtústik-batys betkeılerinde - 33-80, Jetisý oblysyndaǵy Jetisý Alataýy ózenderiniń alaptarynda - 39, Túrkistan jáne Jambyl oblystaryndaǵy Qarataý jotasynyń ońtústik-batys jáne soltústik-shyǵys betkeıindegi ózenderdiń basseınderinde 13-29 paıyzǵa joǵary. Al Almaty oblysyndaǵy Іle Alataýynyń soltústik jáne ońtústik betkeıleriniń, sondaı-aq Ketmen jotasynyń soltústik betkeıindegi ózen alaptarynda qar ortasha kópjyldyq mán sheginde bolsa, Túrkistan jáne Jambyl oblystarynyń taýlaryndaǵy ortasha kópjyldyq mánnen tómen.
«Topyraqtyń kúzgi ylǵaldylyǵynyń kórsetkishteri kelesideı qalyptasty.: Aqmola jáne Soltústik Qazaqstan oblystary ózenderiniń alaptarynda - 23-46, Qostanaı oblysy ózenderiniń alaptarynda - 12-123, Atyraý jáne Aqtóbe oblystary ózenderiniń alaptarynda 15-72, Batys Qazaqstan oblysy ózenderiniń alaptarynda 33-104 paıyz ortasha kópjyldyq mánnen joǵary. Ortasha kópjyldyq mánnen Qaraǵandy oblysy ózenderiniń alaptarynda - 22-44 jáne Ulytaý oblysy ózenderiniń alaptarynda – 34-37, sondaı-aq Aqmola oblysynyń jekelegen ózenderinde – 21-47, Aqtóbe oblysynyń jekelegen ózenderinde 13 paıyz tómen», - dedi vıtse-mınıstr.
