Elimizdiń 5 qalasynda meteojaǵdaı nasharlaıdy
NUR-SULTAN. QazAqparat – «Qazgıdromet» RMK 14 qyrkúıekte Qazaqstan qalalaryndaǵy meteorologııalyq ahýal týraly aıtty, dep habarlaıdy QazAqparat.
Aqparatqa sáıkes, dúısenbi kúni Qaraǵandy, Semeı, Óskemen, Shymkent jáne Pavlodar qalalarynda atmosferalyq aýanyń lastanýy kútiledi.
Elimizdiń qalǵan shaharlarynda meteojaǵdaı norma sheginde bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
