Elimizdiń 4 óńirinde áli kúnge daǵdarystyq ortalyq qurylmaǵan - Ulttyq komıssııa
qparat /Qanat Mámetqazyuly/ - Elimizdiń 4 óńirinde áli kúnge daǵdarystyq ortalyq qurylmaǵan. Bul týraly búgin Astanada Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysynda málim boldy.
Esterińizge sala keteıik, Komıssııa otyrysy barysynda Batys Qazaqstan jáne Qaraǵandy oblystarynda mamandandyrylǵan otbasy men balalardy áleýmettik qamsyzdandyrý ınstıtýttaryn, otbasylaryna daǵdarystan shyǵý jónindegi mamandandyrylǵan psıhologııalyq-pedagogıkalyq kómek qyzmetterin damytý týraly másele qaralǵan bolatyn. Osyǵan oraı Ulttyq komıssııa óńirlerdegi mamandandyrylǵan psıhologııalyq-pedagogıkalyq kómek qyzmetterin damytý jónindegi jumystyń jaı-kúıin zerdelep, birqatar qorytyndylar shyǵardy. Atap aıtqanda, komıssııa Batys Qazaqstan oblysy eldegi áli kúnge deıin daǵdarystyq ortalyq qurylmaǵan 4 óńirdiń biri ekendigin atap ótedi. Sondaı-aq oblys bıýdjetinde ÚEU jobalaryn memlekettik áleýmettik tapsyrys arqyly jyl saıynǵy qarjylandyrýdy qamtamasyz etý qajettigi aıtylady.
Al Qaraǵandy oblysynda qıyn jaǵdaıǵa tap bolǵan otbasylar men balalarǵa qoldaý jáne psıhologııalyq kómek kórsetý qyzmetin uıymdastyrýda memlekettik organdar men azamattyq sektordyń ózara is-qımylynyń oń tájirıbesi baıqalǵan. «Bul jerde oblys ákimi janyndaǵy áıelder isteri jáne otbasylyq-demografııalyq saıasat jónindegi óńirlik komıssııa úılestirýshilik ról atqarady. ıÝNISEF BUU Balalar qorynyń «Arnaıy qyzmet kórsetýlerdiń ıntegratsııalanǵan modelin iske asyrýdyń bes qadamy» baǵdarlamasyn iske asyrý sheńberinde óńirde «Balalar men otbasylarǵa arnaıy áleýmettik qyzmet kórsetý jónindegi úılestirý ortalyǵy» memlekettik mekemesin ashý qolǵa alynǵan. Áleýmettik mańyzdy jobalardy oryndaýǵa memlekettik tapsyrys boıynsha jergilikti bıýdjet qarajaty esebinen 3 daǵdarystyq ortalyq ashylǵan», - delingen Ulttyq komıssııa otyrysynda taratylǵan aqparattyq habarlamada.
