Elimizdiń 4 oblysynda joldy sý basýyna baılanysty kólik qozǵalysy shekteldi
ASTANA. QazAqparat - Shyǵys Qazaqstan, Qaraǵandy, Pavlodar jáne Ońtústik Qazaqstan oblystaryndaǵy respýblıkalyq mańyzdaǵy joldarda sý tasqynyna baılanysty kólik qozǵalysy shekteldi. Bul týraly QazAqparat «Qazavtojol» RMK-nyń málimetterine silteme jasap habarlaıdy.
Búgin 4 naýryz kúni Shyǵys Qazaqstan oblysynda sý tasqynyna baılanysty «Semeı-Qaınar» avtojolynda barlyq kólik quraldary úshin qozǵalys shekteldi. Joldy «Semeı-Qaraýyl» baǵyty arqyly aınalyp ótýge bolady.
Qaraǵandy oblysynda sý tasqynyna baılanysty joldyń 166+750 km-in sý alyp ketken. Osyǵan baılanysty «Aqshataý-Aǵadyr» avtojolynyń 90-167 km-inde barlyq kólik túrleri úshin qozǵalys toqtatyldy. Joldy «Qaraǵandy-Aqsý-Aıýly-Aǵadyr» baǵyty boıynsha aınalyp ótýge bolady.
Pavlodar oblysy boıynsha, «Qalqaman-Baıanaýyl-Kerneı-Ýlıanovsk» baǵytynyń 58-138 km-i Maıqaıyń aýyly men Baıanaýylǵa deıingi aımaqta jol qozǵalysy barlyq kólik túrleri úshin jabylǵan. Aınalma jol oblystyq mańyzdaǵy jol arqyly Jańajol aýyly men Ekibastuz qalasyn kesip ótedi.
Ońtústik Qazaqstan oblysynda jol qozǵalysy barlyq kólik túrleri úshin «Samara-Shymkent» avtojolynyń boıynda shekteldi. Munda Arys ózeni arqyly ótetin kópirdiń jaqtaýlaryn sý alyp ketken. Joldy Temirlan aýyly arqyly aınalyp ótýge bolady.
Atalǵan jol ýchaskeleriniń barlyǵynda nyǵaıtý jumystary júrgizilip, arnaıy belgiler qoıylyp jatyr. Táýlik boıyna kezekshilik qoıylǵan. Aýa raıynyń buzylýyna baılanysty Aqmola, Aqtóbe, Qostanaı oblystaryndaǵy joldarǵa qoıylǵan shekteýler alynyp tastaldy. Qazir bul aımaqtardaǵy joldar ashyq.
