Elimizdiń 4 oblysynda respýblıkalyq joldar ashyldy
ASTANA. QazAqparat - «QazAvtoJol» ulttyq kompanııasy aýa raıynyń rettelýine baılanysty birneshe óńirde jol ashylǵanyn málim etti, dep habarlaıdy QazAqparat.
«Jezqazǵan-Petropavl» tasjolynyń Ulytaý oblysynyń shekarasynan Arqalyq qalasyna deıingi aralyǵanda qozǵalysqa engizilgen shekteý alyndy.
Pavlodar jáne Qostanaı oblystarynda da respýblıkalyq mańyzdaǵy barlyq kúre joldar ashyq.
Qaraǵandy oblysynyń respýblıkalyq mańyzy bar joldary barlyq baǵytta ashyq. Qozǵalys shtattyq rejımde júzege asyrylyp jatyr.
Jolshylar kúre joldardy qardan tazartyp, kóktaıǵaqqa qarsy materıaldarmen óńdeýdi jalǵastyrýda.
Eske sala keteıik, keshe, 5 qańtarda Qazaqstannyń 25 respýblıkalyq trassasy áli jabyq turǵanyn habarlaǵan edik.
