Elimizdiń 4 oblysynda aýa raıyna baılanysty kólik qozǵalysy shekteldi
ASTANA. QazAqparat - Aýa raıyna baılanysty elimizdiń tórt oblysynda jol qozǵalysy shekteldi, dep habarlaıdy QR ІІM TJK baspasóz qyzmeti.
Aqmola oblysy
7 naýryz, saǵat 18:00-den bastap jel kúsheıip, joldyń kórinýi tómendeýine baılanysty "Ekaterınbýrg - Almaty" tas jolynyń ýchaskesinde (917-995 km, Jaksy aýdany - Atbasar qalasy aralyǵy) júk kólikteriniń qozǵalysy toqtatyldy.
Shyǵys Qazaqstan oblysy
7 naýryz, saǵat 17:00-den bastap burqasyn soǵyp, joldyń kórinýi tómendeýine baılanysty oblystyq mańyzy bar joldardyń keı bólikterinde kólik qozǵalysy shekteldi:
- "Dmıtrıevka-Borodýlıha-Shemonaıha" avtojoly, (30-70 km, Mıhalchenko aýyly men Krasnoıar aýyly aralyǵy);
- «Voskresenovka-Petropavlovka-Shelehovo-Belaǵash-Dmıtrıevka» (0-22 km), kóliktiń barlyq túrleri úshin;
Qostanaı oblysy
7 naýryzdan bastap burqasyn soǵyp, joldyń kórinýi tómendeýine baılanysty respýblıkalyq mańyzy bar joldardyń keı bólikterinde kólik qozǵalysy shekteldi:
"Qarasý-Bolshaıa Chýrakovka" (0-114 km);
"Sarykól-Bolshıe Dýbrovy" (0-56 km);
"Uzynkól- Sarykól" (0-79 km);
"Rýdnyı-Kachary-Fedorovka" (0-83 km);
"Krasnaıa Presnıa-Zverınogolovskoe" (0-56 km), kóliktiń barlyq túrleri úshin;
Soltústik Qazaqstan oblysy
7 naýryz, saǵat 19:00-den bastap burqasyn soǵyp, joldyń kórinýi tómendeýine baılanysty oblystaǵy barlyq joldarda kóliktiń barlyq túrleri úshin qozǵalys shekteldi.
