Elimizdiń 3 oblysyndaǵy joldarǵa shekteý engizildi
ASTANA. QazAqparat – Kúnniń kúrt buzylýyna baılanysty Almaty, Jambyl jáne Túrkistan oblystaryndaǵy birqatar tasjolda jol qozǵalysyna shekteý engizildi, dep habarlaıdy QazAqparat Respýblıkalyq mańyzy bar avtomobıl joldarynyń ulttyq operatoryna silteme jasap.
Avtokóliktiń barlyq túrleri úshin tómendegi tasjol ýchaskeleri jabyq:
1. «Almaty-Óskemen» tasjolynyń Baıserke aýylynan Qonaev qalasyna deıingi aralyǵy;
2. «Almaty-Shelek-Qorǵas» tasjolynyń Arman aýylynan Baıseıit aýylyna deıingi aralyǵy;
3. «Almaty-Tashkent-Termez» tasjolynyń Aısha-bıbi aýylynan Túrkistan oblysynyń shekarasyna deıingi aralyǵy;
4. «Almaty-Tashkent-Termez» tasjolynyń Jambyl oblysynan Mashat aýylyna deıingi aralyǵy;
5. «Almaty-Óskemen» tasjolynyń Pervomaıka aýylynan Ótegen-Batyr aýylyna deıingi aralyǵy;
6. «Qordaı asýynyń aınalma joly».
«Qozǵalys eski Qordaı asýy arqyly júzege asyrylady. Respýblıkalyq avtojoldar jelisinde 515 arnaıy tehnıka men 980 maman jumys istep jatyr»,-delingen habarlamada.
