Elimizdiń 3 qalasynda aýa sapasy nasharlaıdy
ASTANA. QazAqparat - 23 jeltoqsan kúni Qazaqstan qalalarynyń kópshiliginde meteorologııalyq jaǵdaı jaıly bolady, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń boljamynsha, meteorologııalyq jaǵdaılar Aqtóbe, Kókshetaý qalalarynda aýaǵa zııandy zattar shoǵyrlanýyna yqpal etedi. Sondaı-aq aýany lastaýshy zattardyń shoǵyrlanýy Qaraǵandy qalasynda saqtalady. Al qalǵan qalalarda meteorologııalyq jaǵdaı jaǵymdy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
