Elimizdiń 250 hramynda Rojdestvo merekesi atap ótilýde

dep habarlaıdy QazAqparat.

Merekelik shara respýblıkamyzdaǵy 250 hramnyń barlyǵynda júrgizilýde. Almatydaǵy Eparhııa bas hramyndaǵy Svıato-Voznesensk kafedraldy soboryna kelýshilerdi jáne barlyq azamattardy Astanalyq jáne Almatylyq mıtropolıt Mefodıı quttyqtady. Arnaıy qyzmet keshke ótedi.

«Kelip jetken jańa jylda amanshylyq, zor densaýlyq, ıgi isterde jetistikter tileımin. Meırimdi qudaıdan elimizdiń tynyshtyǵy men amanshylyǵynyń saqtalýyn tileımin. Óıtkeni, álemde túrli turaqsyzdyqtar oryn alyp jatqanyn biz bilemiz. Bizder bolyp jatqan kataklızmderdi tek qana baqylaýdamyz. Qudaıdan elimizdiń mundaı nárseden aýlaq bolǵanyn tileımiz. Sonymen qatar barlyqtaryńyzdy Rojdestvo meıramymen quttyqtaımyn. Dúnıejúzine tynyshtyq, rýhanı álemde tepe-teńdik pen túsinistik tileımin. Bizdi qorshaǵan barlyq ózekti máseleler álemniń materıaldyq jaǵynyń problemasy emes, bul - janymyz ben aqyl-oıymyzdyń daǵdarysy. Sondyqtan ımandylyqty júrekten ári janymyz shyǵarmaıyq», - dedi mıtropolıt Mefodıı osynaý meıramǵa oraı ótken baspasóz máslıhatynda.