Elimizdiń 2 qalasynda aýa sapasy nasharlaıdy
NUR-SULTAN. QazAqparat – 13 jeltoqsan kúni Qazaqstannyń eki qalasynda qolaısyz meteorologııalyq jaǵdaı qalyptasyp, aýanyń lastanýy kútiledi, dep habarlaıdy QazAqparat.
Qazgıdromettiń málimetinshe, Aqtóbe jáne Óskemen qalalarda aýa lastanýynyń qolaısyz meteorologııalyq jaǵdaılary boljanady.
Qazaqstannyń basqa qalalarynda meteojaǵdaı qolaıly bolady dep kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
