Elimizdiń 16 qalasynda «Óz qan qysymyńdy bil!» aktsııasy ótedi
ALMATY. 6 mamyr. QazAqparat /Názıra Eleýhan/ - 17 mamyrdan bastap elimizdiń 16 qalasynda «Óz qan qysymyńdy bil» atty arterıaldyq gıpertonııa dertiniń aldyn alýǵa arnalǵan aktsııa bastalady.
Áleýmettik bastama Dúnıejúzilik arterıaldyq gıpertonııa aýrýymen kúres kúnine oraı, bıyl osymen ekinshi ret ótkizilmek. Shara maqsaty - arterıaldyq gıpertonııa aýrýynyń aldyn alý jáne bul máselede halyqty habardar etý.
Aktsııa barysynda elimizdiń árbir turǵyny tıisti mekemelerge baryp, ózderiniń qan qysymdaryn ólshetip qana qoımaı, aýrýdyń aldyn alý boıynsha kásibı mamandardan tegin keńes alýlaryna bolady.
Bul shara halyq kóp jınalatyn - emhanalarda, iri saýda oryndarynda, áýejaılarda, temirjol vokzaldarynda ótetin bolady.
