Elimizdiń 15 óńirinde qurylys jumystarynyń kólemi artty
Onyń atap ótýinshe, 5 aıda qurylys sektorynyń ósý qarqyny jedeldep, oryndalǵan qurylys jumystarynyń kólemi 8,9 paıyzǵa artty. Kórsetkishtiń oń ósimi 15 óńirde tirkelgen. Qurylys-montajdaý jumystarynyń eń joǵary ósýi Aqmola men Atyraý oblystarynda, sondaı-aq Almaty jáne Nur-Sultan qalalarynda baıqalyp otyr.
«Osy jylǵy qańtar-mamyr aılarynyń qorytyndysy boıynsha turǵyn úıdi paıdalanýǵa berý 3,4 paıyzǵa ósip, 4,7 mln sharshy metrdi qurady. Oń dınamıka 13 óńirde tirkeldi, olardyń arasynda eń joǵarǵy kórsetkish Shymkent qalasynda, sondaı-aq Túrkistan, Almaty jáne Qyzylorda oblystarynda baıqalýda», - dedi ol.
Mınıstr esepti kezeńde aýyl sharýashylyǵynyń jalpy shyǵarylymy 1,3 paıyzǵa ulǵaıǵanyn aıtty.
«Saladaǵy óndiristiń oń ósýi 11 óńirde tirkeldi. Eń joǵarǵy ósýdi Mańǵystaý, Soltústik Qazaqstan jáne Shyǵys Qazaqstan oblystary kórsetti. Eń tómen kórsetkish Qostanaı, Aqtóbe jáne Batys Qazaqstan oblystarynda baıqalýda», - dedi Álibek Qýantyrov.
Aıta keteıik, Úkimet otyrysynda Qazaqstan Respýblıkasynyń 2022 jylǵy qańtar-mamyr aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń atqarylýy qaralyp jatyr.
