Elimizdiń 11 oblysynda aýa raıyna baılanysty eskertý jarııalandy
ASTANA.QazAqparat – Sınoptıkterdiń boljamy boıynsha, Qazaqstannyń 11 oblysynda jeldiń ekpini kúsheıip, kóktaıǵaq pen boran bolady, dep habarlaıdy QazAqparat «Qazgıdromet» RMK baspasóz qyzmetine silteme jasap.
2 qarashada túnde jáne tańerteń Jambyl oblysynyń taýly aımaqtarynda tuman túsedi. Ońtústik-shyǵystan soǵatyn jel ońtústik-batysqa aýysady, oblystyń ońtústik-batysynda, soltústik-shyǵysynda, taýly aımaqtarda 15-20 m/s, kúndiz ekpini 23-28 m/s.
Tarazda ońtústik-batystan soǵatyn jeldiń ekpini 15-20 m/s jetedi.
Qyzylorda oblysynyń ortalyǵynda ońtústik-batystan soqqan jel 15-20, kúndiz 25 m/s bolady.
Qyzylordada ońtústik-batystan jel soǵady, kúndiz ekpini 15-20 m/s jetedi.
2 qarashaǵa qaraǵan túni Qaraǵandy oblysynyń shyǵysynda tuman túsedi. Ońtústik-shyǵystan soǵatyn jel ortalyqta ońtústikten, oblystyń shyǵysynda ekpini 15-20, keıde 25 m/s deıin barady.
Qaraǵandyda kúndiz ońtústik-shyǵystan jel soǵady, ekpini - 18 m/s.
Ulytaý oblysynyń batysynda, soltústiginde, shyǵysynda ońtústik-shyǵystan soǵatyn jel ońtústik-batysqa aýysady, ekpini - 15-20 m/s.
Batys Qazaqstan oblysynyń soltústiginde túnde jáne tańerteń kóktaıǵaq, azdaǵan burqasyn bolady. Soltústik-batys, batystan jel soǵady, túnde oblystyń soltústiginde, kúndiz basym bóliginde ekpini 15-20 m/s bolady.
Oralda túnde jáne tańerteń kóktaıǵaq bolyp, baıaý burqasyn soǵady. Soltústik-batystan, batystan jel soǵady, ekpini - 18 m/s.
Túrkistan oblysynyń taýly jáne taý bókterindegi aımaqtarynda tańerteń jáne kúndiz qatty jańbyr jaýady. Túnde jáne tańerteń taýlarda tuman túsedi. Ońtústik-batystan soǵatyn jel soltústikte, batysta soltústik-batysqa aýysady, taýly jáne taý etegindegi aýdandarda - 15-20, taýly asýlarda ekpini - 23-28 m/s.
Shymkentte 2 qarashada tańerteń jáne kúndiz qatty jańbyr jaýady. Ońtústik-batystan soǵatyn jel soltústik-batysqa aýysyp, ekpini 15-20 m/s jetedi.
Túrkistanda ońtústik-batystan soǵatyn jel soltústik-batystan soǵady, ekpini - 15-20 m/s.
Jetisý oblysynyń taýly aımaqtarynda túnde jáne tańerteń tuman túsedi. Shyǵystan soǵatyn jeldiń Alakól mańynda ekpini 15-20 m/s jetedi.
Kúndiz Soltústik Qazaqstan oblysynyń basym bóliginde jaýyn-shashyn (jańbyr, qar) bolady. Oblystyń ońtústik-batysynda jáne soltústiginde kóktaıǵaq bolýy múmkin.
Petropavlda kúndiz kóktaıǵaq. Kúndiz ońtústik-shyǵystan jel soǵady, ekpini - 15-20 m/s.
Atyraý oblysynyń basym bóliginde batystan soǵatyn jeldiń ekpini 15-20 m/s kútiledi.
Atyraýda batystan jel soǵady, ekpini - 15-20 m/s.
Mańǵystaý oblysynda soltústik-batystan, batystan soǵatyn jel batysta, soltústikte, oblystyń ońtústiginde 15-20 m/s kúsheıedi.
Aqtaýda soltústik-batystan, batystan soǵatyn jeldiń ekpini 15-20 m/s jetedi.
Kúndiz Aqtóbe oblysynyń soltústiginde baıaý burqasyn soǵady. Soltústikte túnde ońtústik-batystan soǵatyn jel, kúndiz oblystyń basym bóliginde ekpini 15-20 m/s jetedi.
Aqtóbede kúndiz baıaý burqasyn kútiledi. Ońtústik-batystan soǵatyn jeldiń ekpini kúndiz - 15-20 m/s.
Buǵan deıin habarlaǵanymyzdaı, qarasha aıynda respýblıkanyń búkil aýmaǵynda aýa temperatýrasy klımattyq norma sheginde bolady, jaýyn-shashynnyń taralýy kelesideı: Qazaqstannyń batys jartysynda tómengi norma, shyǵysta - normaǵa jýyq.
