Elimizdiń 10 óńirinde jylý maýsymy bastaldy
ASTANA. 9 qazan. QazAqparat - Respýblıka boıynsha jol trassasy, sýmen jabdyqtaý jáne sý burý jelileri, elektr jelileri 99 paıyzǵa daıyn.
Bul týraly búgin Úkimet otyrysynda Qurylys jáne turǵyn úı- kommýnaldyq sharýashylyǵy isteri agenttiginiń tóraǵasy Serik Nokın málim etti.
Onyń sózine qaraǵanda, 8 qazandaǵy jaǵdaı boıynsha elimizdiń 10 óńirinde jylý maýsymy bastaldy. «Áleýmettik-mádenı turmystyq jáne turǵyn úı qory nysandarynyń daıyndyǵy da 99 paıyzdy qurap otyr»,-dedi agenttik basshysy.
Onyń sózine qaraǵanda, jóndeý jumystary 33 bilim berý nysandarynda júrgizilip jatyr. Almaty qalasynda 31 nysannyń qurylysyn kestege sáıkes qarasha aıynda aıaqtaý josparlanýda. Sondaı-aq, Atyraý oblysynda 2 nysannyń qurylysyn qazan aıynda aıaqtaý belgilengen. Buǵan qosa 11 densaýlyq saqtaý nysanynda daıyndyq jumystary aıaqtalmaǵan. Onyń ishinde 6 nysan OQO-da bıylǵy 20 qazanǵa deıin tapsyrylady dep josparlanyp otyr.
Sonymen qatar Almaty qalasynda da 4 nysannyń qurylysy osy aıda aıaqtalmaq.
