Elimizdiń 10 oblysynda aýa raıyna baılanysty eskertý jarııalandy
NUR-SULTAN. QazAqparat - Qazaqstannyń 10 óńirinde daýyldy eskertý jarııalandy, dep habarlaıdy QazAqparat Qazgıdromettiń saıtyna silteme jasap.
Kúndiz Aqmola oblysynyń batysynda, soltústiginde naızaǵaı oınaıdy. Ońtústik-shyǵystan jel soǵady, kúndiz oblystyń batysynda, soltústiginde ekpini – 15-20 m/s.
Aqtóbe oblysynda batystan, soltústik-batystan jel soǵady. Túnde oblystyń soltústik-batysynda, kúndiz oblystyń basym bóliginde jeldiń ekpini 15-20 m/s-qa jetedi. Aqtóbe qalasynda soltústik-batystan, batystan jel soǵady, kúndiz ekpini 16 m/s bolady dep kútiledi.
Kúndiz Almaty oblysynyń taýly aýdandarynda kún kúrkireıdi. Ońtústik-shyǵystan, soltústik shyǵysta ekpini 25 m/s jel soǵady. Іle Alataýy, Jetisý Alataýynda kúndiz naızaǵaı oınaıdy. Naızaǵaı kezinde ońtústik-shyǵystan soǵatyn jeldiń ekpini 15-20 m/s-qa deıin jetedi. Qyrǵyz Alataýy taýlarynda kúndiz naızaǵaı, burshaq, daýyl kútiledi. Soltústik-shyǵystan jel soǵady, naızaǵaı kezinde ekpini – 15-20 m/s.
Túnde Shyǵys Qazaqstan oblysynyń shyǵysynda topyraq betinde 1 gradýs aıaz kútiledi.
Batys Qazaqstan oblysynyń soltústiginde, soltústik-batysynda, kúndiz oblystyń soltústik-shyǵysynda naızaǵaı, burshaq, daýyl kútiledi. Jel soltústik-batystan soǵady, oblystyń soltústiginde, soltústik-batysynda ekpini – 15-20 m/s. Oral qalasynda túnde naızaǵaı, burshaq, daýyl kútiledi. Jel soltústik-batystan soǵady, ekpini –15-20 m/s.
Kúndiz Qaraǵandy oblysynyń batysynda, shyǵysynda ońtústik-shyǵystan soǵatyn jel ońtústik-batysqa aýysady, ekpini – 15-20 m/s. Kúndiz oblystyń ońtústiginde 35 gradýs qatty ystyq kútiledi. Jezqazǵan qalasynda kúndiz 35 gradýs aptap ystyq bolady dep boljanýda.
Qostanaı oblysynyń batysynda, soltústik-batysynda, soltústik-shyǵysynda naızaǵaı, burshaq, daýyl kútiledi. Kúndiz oblystyń ońtústiginde shańdy daýyl, aptap ystyq 35 gradýsqa deıin kútiledi. Ońtústik-shyǵystan soǵatyn jel ońtústik-batysqa aýysady, túnde oblystyń batysynda jeldiń kúshi – 15-20, ekpini – 25 m/s, kúndiz basym bóliginde jeldiń kúshi – 15-20, ekpini – 23-28 m/s. Qostanaı qalasynda kún kúrkireıdi. Ońtústik-shyǵystan soǵatyn jel ońtústik-batysqa aýysady, kúshi –15-20, kúndiz ekpini –23 m/s.
Kúndiz Qyzylorda oblysynyń ortalyǵynda jel ońtústik-shyǵystan, ońtústikten soǵady, ekpini – 15-20 m/s. Kúndiz oblystyń ońtústiginde 42 gradýs qatty ystyq kútiledi.
Kúndiz Mańǵystaý oblysynyń batysynda, soltústiginde naızaǵaı oınap, shańdy daýyl kútiledi. Soltústik-batystan jel soǵady, kúndiz oblystyń batysynda, soltústiginde, ońtústiginde jeldiń ekpini – 15-20 m/s.
Soltústik Qazaqstan oblysynyń ońtústik-batysynda, batysynda, soltústiginde naızaǵaı, kúndiz burshaq, daýyl kútiledi. Túnde jáne tańerteń oblystyń batysynda tuman túsedi. Soltústik-shyǵystan jel soǵady, kúndiz oblystyń ońtústik-batysynda, batysynda, soltústiginde jeldiń ekpini – 15-20 m/s. Petropavl qalasynda kúndiz naızaǵaı, daýyl kútiledi, soltústik-shyǵystan jel soǵady, kúshi – 15-20 m/s.
