Elimizdi jańa týǵan 124 sábı koronavırýsty anasynan juqtyrǵan

NUR-SULTAN. QazAqparat – Qazaqstanda COVID-19 vırýsynan qansha júkti áıel emdelip jatyr? Bul suraqqa Ortalyq kommýnıkatsııalar qyzmetinde ótken baspasóz máslıhatynda Densaýlyq saqtaý vıtse-mınıstri Ajar Ǵınııat jaýap berdi, dep habarlaıdy QazAqparat tilshisi.

Baspasóz máslıhatynda aıtylǵandaı, pandemııa bastalǵaly 8 800 júkti áıel koronavırýs juqtyryp alǵan.

«Qazirgi ýaqytta 247 áıel statsıonarda emdelip jatyr. Elde balanyń qursaqta jatqan kezinde koronavırýs juqtyrý jaǵdaıy tirkelgen joq. Tek dúnıege kelgennen keıin anasymen bir tósekte jatqan 124 sábı bir aptanyń ishinde koronavırýs juqtyryp alǵan. Alaıda aýrý sımptomsyz dárejede ótedi. Biz tek dıagnoz arqyly olardyń koronavırýs juqtyrǵanyn anyqtap otyrdyq», - dedi Ajar Ǵınııat.

Eske sala ketsek Alekseı Tsoı «Qazaqstanda jeltoqsan nemese qańtar aılarynda qatań karantın sharalary engizilýi múmkin be» degen suraqqa jaýap bergen bolatyn.