Elimizdi turmystyq qatty qaldyqtardy basqarýdyń jańa júıesi ázirlenýde
ASTANA. 2 tamyz. QazAqparat - Qazaqstanda turmystyq qatty qaldyqtardy basqarýdyń jańa júıesi ázirlenýde, dep habarlady QR Qurylys jáne TKSh agenttigi Kommýnaldyq sharýashylyq departamentiniń dırektory Olga Tıtova pm.kz saıtyna bergen suhbatynda.
«Memleket basshysynyń tapsyrmalaryn oryndaý maqsatynda ústimizdegi jyly respýblıkamyzda halyqaralyq tájirıbeni esepke ala otyryp turmystyq qatty qaldyqtardy basqarýdyń júıesin ázirleý bastaldy», - dedi O.Tıtova.
Departament dırektory atap ótkendeı, TQQ basqarýdyń negizgi ólshemi atalǵan máseleni sheshý jolynyń keshendigi men júıeliligi bolyp tabylady. Qazirgi ýaqytta ilki jobalarǵa ınvestıtsııalyq negizdeme ázirleý jónindegi jumystar bastaldy.
«Qazirgi ýaqytta agenttik pen Eýropalyq qaıta qurý jáne damý banki arasynda TQQ sektoryna ınvestıtsııa tartý jónindegi yntymaqtastyq týraly memorandýmǵa qol qoıyldy. Respýblıkanyń 14 qalasynda ilki jobalarǵa ınvestıtsııalyq negizdeme ázirleý jónindegi jumystardy bastaý josparlanýda», - dedi Olga Tıtova.
QTKShA aqparyna qaraǵanda, ilki jobalar Aqtóbe, Atyraý, Qaraǵandy, Abaı, Saran, Shahtınsk, Qostanaı, Pavlodar, Taldyqorǵan, Taraz, Óskemen, Kókshetaý jáne basqa da qalalarda iske qosylady.
Bul jumys Qazaqstandaǵy turmystyq qatty qaldyqtardy basqarýdyń naqty mehanızmin jasaýǵa jáne ınvestorlarǵa qarjy salatyn taǵy bir sektordy tabýǵa múmkindik beredi.
«Ivestıtsııa ázirleý ár qaladaǵy turmystyq qatty qaldyqtarmen jumys isteýdiń naqty mehanızmin kórsetedi, onda barlyq qatysýshylar memleket basshysynyń alǵa qoıǵan maqsat - qaldyqtardy paıdalaný kólemin azaıtyp, qaldyqtardy jeke-jeke jınaý júıesin engizý jónindegi maqsattarǵa jetýge múddeli ózara baılanysty tehnologııalar men tarıf jasaýdyń tıimdi júıesi engizilgen», - dep aıaqtady sózin Olga Tıtova.
