Elimizdi damytý úshin áli de kóp jumys atqarýymyz kerek – Toqaev
«Referendým qorytyndysy bizdiń memlekettigimizdiń tarıhynda múlde jańa dáýir bastalǵanyn kórsetedi. Halqymyz óz tańdaýyn bildirý arqyly túbegeıli betburys jasaýǵa umtylysyn kórsetti. Jasampaz el bolýǵa degen yqylas-yntasyn baıqatty. Elimizdi damytý úshin áli de kóp jumys atqarýymyz kerek. Búkil el bolyp jumylsaq, kózdegen maqsatymyzǵa mindetti túrde jetemiz. Men buǵan kámil senemin. Búgin táýelsiz Qazaqstannyń damý tarıhynda jańa dáýirge jol ashyldy. Osy jolda birligimiz árdaıym bekem bolsyn! Jańa Qazaqstandy bárimiz birge órkendeteıik, aǵaıyn!», - dedi Memleket basshysy.
Buǵan deıin Prezıdent Ulytaýda Ulttyq quryltaı ótetinin, oǵan qoǵamnyń túrli top ókilderi, bedeldi ári belsendi azamattar shaqyrylatynyn aıtqan edi.
Sonymen birge, Q. Toqaev memlekettik qyzmettiń – jeke bastyń baq-dáýletin arttyratyn jer emes ekenin, bul – týǵan halqyńnyń aldynda aıryqsha jaýapkershilik arqalaý ekenin basa aıtty.
